ჩვენი პროგრამები
ჩვენი პროგრამები რეაგირებს როგორც გადაუდებელ საჭიროებებზე, ისე ქმნის გრძელვადიან შესაძლებლობებს განათლების, ხელოვნებისა და სოციალური ჩართულობისთვის.
ინკლუზია • კულტურა
2022 წელს შექმნილი დასი აერთიანებს სხვადასხვა შეზღუდვის მქონე მოყვარულ და პროფესიონალ მსახიობებს. პროგრამა მოიცავს მსახიობის ოსტატობას, სასცენო მეტყველებას, ქორეოგრაფიასა და ვოკალს.
შედეგი: სადებიუტო სპექტაკლში მონაწილეობდა 9 შშმ და 7 პროფესიონალი მსახიობი.
პროექტის სრულად ნახვაგანათლება • თეატრი
2018 წლიდან მოქმედი კულტურულ-საგანმანათლებლო პროექტი მოსწავლეებს სპექტაკლებზე, შემოქმედებით გუნდთან შეხვედრებსა და დისკუსიებში რთავს.
შედეგი: ბილეთებიდან მიღებული თანხა სხვადასხვა ბენეფიციარის გადაუდებელ საჭიროებებს ხმარდება.
პროექტის სრულად ნახვაჯანმრთელობა • გადაუდებელი დახმარება
პროექტი შეიქმნა რთული და გადაუდებელი სამედიცინო საჭიროებების მქონე ადამიანების მხარდასაჭერად.
შედეგი: 2015 წელს დახმარება მიიღო ხუთმა ბენეფიციარმა; პროექტმა ასევე მხარი დაუჭირა „ბედნიერი სახლის“ მშენებლობას.
სოციალური მხარდაჭერა
2018 წლიდან მოქმედი პროექტი სოციალურად დაუცველ მრავალშვილიან ოჯახებს ყოველთვიურად ეხმარება. პროექტში ჩართულები არიან კერძო სკოლები და საზოგადოებისთვის ცნობადი სახეები.
შედეგი: ფონდის დოკუმენტის მიხედვით, მხარდაჭერა მიიღო 400-ზე მეტმა მრავალშვილიანმა და სოციალურად დაუცველმა ოჯახმა.
პროექტის სრულად ნახვაინკლუზიური თეატრი • 2022 წლიდან
2022 წლის დეკემბერში ინკლუზიური დასი „ცხოვრება მშვენიერია“ დაარსდა ა(ა)იპ „ცხოვრება მშვენიერია“-ს ბაზაზე. დასი აერთიანებს სხვადასხვა შეზღუდვის მქონე მოყვარულ და პროფესიონალ მსახიობებს ქ. თბილისის პროფესიული თეატრებიდან: კოტე მარჯანიშვილის სახელობის სახელმწიფო დრამატული თეატრი და ნოდარ დუმბაძის სახელობის მოზარდ მაყურებელთა სახელმწიფო თეატრი.
დასის მიზანია ხელი შეუწყოს თეატრალური ხელოვნებით დაინტერესებული შეზღუდული შესაძლებლობის მქონე პირების საშემსრულებლო ხელოვნებაში ჩართვასა და მათი აქტივობის გაზრდას. ინკლუზიური დასი სისტემატიურად ეწევა დასის წევრების ინტეგრაციას პროფესიონალ მსახიობებთან და მათ მომზადებას მსახიობის ოსტატობაში, სასცენო მეტყველებაში, ქორეოგრაფიასა და ვოკალში.
საქართველოში არსებული უმაღლესი სახელოვნებო სასწავლებლები ვერ უზრუნველყოფს შშმ პირებისთვის განათლების მიწოდებას; ასევე არ არსებობს პროფესიული თეატრალური სასწავლებლები, სადაც ისინი ტიპური განვითარების მქონე თანატოლებთან ერთად შეისწავლიან სამსახიობო ხელოვნებას, სასცენო მეტყველებასა და სხვა დისციპლინებს.
კოტე მარჯანიშვილის სახელობის სახელმწიფო დრამატულ თეატრში ოსკაროსანი ფილმის სცენარის მიხედვით დაიდგა სპექტაკლი „ცხოვრება მშვენიერია“. სპექტაკლში დასაქმდა და მონაწილეობა მიიღო ცხრა სხვადასხვა შეზღუდვის მქონე მოყვარულმა და შვიდმა პროფესიონალმა მსახიობმა.
პროექტის ფინანსური მხარდამჭერები იყვნენ საქართველოს კულტურის, სპორტისა და ახალგაზრდობის სამინისტრო და ისრაელის საელჩო საქართველოში; მხარდამჭერები — იტალიის საელჩო საქართველოში და საქართველოს თეატრალური საზოგადოება. პრემიერის წარმატების შემდეგ ნოდარ დუმბაძის სახელობის მოზარდ მაყურებელთა თეატრთან შედგა თანამშრომლობა და ინკლუზიური სპექტაკლი სახელმწიფო თეატრის რეპერტუარში შევიდა.
ინკლუზიურმა დასმა კოტე მარჯანიშვილის სახელობის სახელმწიფო დრამატულ თეატრში წარადგინა ახალი სპექტაკლი „ორი ბატონის მსახური“ — კარლო გოლდონის პიესის მიხედვით.
ფოტოები: საქველმოქმედო ფონდი „ცხოვრება მშვენიერია“.
კულტურულ-საგანმანათლებლო პროექტი • 2018 წლიდან
2018 წლის 24 ნოემბრიდან ფონდი ახორციელებს კულტურულ-საგანმანათლებლო პროექტს „მოდი თეატრში“. პროექტის მიზანია ზოგადსაგანმანათლებლო სისტემის აღსაზრდელების ფართოდ ჩართვა თეატრის ცხოვრებაში.
სპექტაკლების შემდეგ მონაწილეები პირისპირ ხვდებიან მსახიობებსა და რეჟისორს, ერთვებიან დისკუსიასა და კითხვა-პასუხის რეჟიმში კომუნიკაციაში. გაყიდული ბილეთებიდან მიღებული თანხა მთლიანად ხმარდება სხვადასხვა ბენეფიციარის გადაუდებელ საჭიროებებს სიცოცხლისუნარიანობის შესანარჩუნებლად.
პროექტში ჩაერთვნენ თეატრები მთელი საქართველოს მასშტაბით და „საქართველოს თეატრალურ საზოგადოებასთან“ გაფორმდა ურთიერთთანამშრომლობის მემორანდუმი.
ნოდარ დუმბაძის სახელობის მოზარდმაყურებელთა თეატრში დაიდგა ბერტოლტ ბრეხტის საქველმოქმედო სპექტაკლი „სამგროშიანი ოპერა“. სპექტაკლიდან მიღებული თანხა მთლიანად მოხმარდა სოციალურად დაუცველ ბავშვებს.
ფოტოები: საქველმოქმედო ფონდი „ცხოვრება მშვენიერია“.
მხარდაჭერა
