ა(ა)იპ „ცხოვრება მშვენიერია“ოფიციალურად 2014 წლის 17 იანვარს შეიქმნა და სხვადასხვა პროექტებისა თუ ღონისძიებების, ავტორი და ორგანიზატორია. ფონდს დღემდე განხორციელებული აქვს 50-ზე მეტი პროექტი.მათ შორისაა პროექტი "სიცოცხლისათვის",- 4 გალა კონცერტი ზედიზედ 4 წლის განმავლობაში სპორტის სასახლეში სახელწოდებით #სიცოცხლისათვის. ასევე ამ პროექტის ფარგლებში განხორციელდა ბერი ანდრიას ფონდის დასახმარებელი ღონისძიება, პროექტიდან შემოსული თანხა კი მოხმარდა „ბედნიერი სახლის“ მშენებლობას.(სარეაბილიტაციო სახლი) 2018 წლიდან კი ფონდი ახორციელებს კულტურულ-საგანმანათლებლო პროექტს - „მოდითეატრში-ს“, რომლის ფარგლებშიც განხორციელებული ღონისძიებებიდან შემოსული თანხებით მუდმივად ვეხმარებით სხვადასხვა საჭიროების მქონე ბენეფიციარებს.ასევე სკოლის მოსწავლეებს შესაძლებლობა ეძლევათ პროექტის ფარგლებში შეხვდნენ სპექტაკლის რეჟისორს,წამყვან მსახიობებს,და მათთან ერთად მოხდეს სპექტაკლის განხილვა.ამით ბავშვები უფრო მეტად უახლოვდებიან თეატრს. პროექტის ერთერთი მთავარი მიზანი კი კულტურის და განათლების პოპულარიზაციაა.